♥ Adelina & Zanfina ♥

ADELINA ISMAJLI PADITË...

Duket se i ka ardhur në majë të hundës
me thashethemet që qarkullojnë për të
dhe i është drejtuar Gjykatës. Këngëtarja Divë
kosovare, Adelina Ismaili, më datë 15
tetor ka regjistruar një padi në Gjykatën e
Tiranës.
Padia është kundër Blututhit të GSH për
shkaktim dëmi moral. Pak ditë më parë,
gazeta në fjalë shkroi te paverteta
se Adelina martohet
me një biznesmen, pronar i një lokali
në Zvicër. Të qënit publik ka edhe
koston e thashethemeve, shpesh të
pavërteta, por duket se *simboli*
kosovar nuk e ka përtypur dot këtë të
fundit.

*Diva Ismaili, është një ndër këngëtaret më të
mira në trevën shqipfolëse. Ajo ka
spikatur për mënyrën e veçantë të të
kënduarit dhe perforamancat unike.*

Nuk është hera e parë që Adelina gjendet në
faqet rozë për jetën e saj private. Sa për
dëmin moral që i është shkaktuar,
përkthyer kjo në shumë monetare, do të
jenë ekspertët juristë që do të na i thonë
këtë gjë gjatë gjykimit.Megjithë këtë,klipi i
fundit,lanquar nga Adelina Ismaili ka arritur
të tejkalojë të gjitha sukseset e këngëve
dhe klipeve ne mediumet elektronike të
lanquara këtë vit .

SHEKULLI 17 tetor 2009

ADELINA ISMAJLI VJEN ME VIDEOKLIP TË RI.

Adelina Ismajli ka prezantuar këngen e saj të re të titulluar "Tribalb",një këngë kjo me ritme tekno.Adelina edhe kësaj radhe i ka qëndruar besnike stilit të saj,përderisa videoklipi është realizuar në një diskotekë europiane.Kënga "Tribalb" është kënga e dytë hit që Adelina e sjell për publikun shqiptar në këtë fundvit.Surpriza e këtij viti është sigurisht edhe videoklipi i këngës "Tribalb",një kënge kjo popullore e vjetër,por e interpretuar mrekullisht nga diva e këngës moderne shqipe.E përpunuar në trendin më të ri në muzikën botërore,kënga "Tribalb" në javën e parë të publikimit ka "vërshuar" mediat,dhe interesimin e panumërt.Në këtë videoklip,këngëtarja Ismajli luan mjeshtërisht tetë personazhe të ndryshme,gjë që ka bërë që fansat e Adelinës të njohin edhe talentin e lindur e të aktruarit të këngëtares,e cila e para në klipet shqiptare po sjell aktrimin,por edhe rritjen e numrit të fansave,gjykuar sipas interesimit në televizionet kosovare.

ZËRI 14 tetor 2009.

Adelina Ismaili: Duajeni njëri tjetrin, arti, muzika nuk njohin kufinjë

Me një këngë dhe klip ultra modern, ku Adelina aktron 8 personazhe, rikthehet përsëri për fansat e saj. Një kohë të gjatë këngëtarja është e mbyllur totalisht per mediat e shkruara. Këtë rradhë Adelina Ismaili vjen ekskluzivisht dhe pas shumë kohësh.
“Mos më kopjo mua”, thotë ajo. Personazhi i rradhës këtë herë paraqitet në një mënyre krejtësisht tjetër edhe pse gjatë karierës së gjatë ka eksperimentuar me lukun e saj duke sjell tek publiku vetëm të bukurën. Të mësuar që nga Adelina të shohim vetëm të bukurën,origjinalitetin dhe dashurinë për kombin,ajo arriti që pësëri të lë gojhapur të gjithë ,duke pranuar pafund komentime pozitive në gati të gjitha mediat ku kjo këngë e videoklip kanë pushtuar zemrat e dëgjuesit dhe shikuesit.

ARTPRESS 21 tetor 2009

Me një këngë dhe klip ultra modern, ku Adelina aktron 8 personazhe, rikthehet përsëri për fansat e saj. Një kohë të gjatë këngëtarja është e mbyllur totalisht per mediat e shkruara. Këtë rradhë Adelina Ismaili vjen ekskluzivisht dhe pas shumë kohësh.

1.CFARE TIPI ESHTE ZANFINA?

Une jam tip kryesisht i qete.Nuk flas shum,por punoj shume hahahah.eshe une nervozohem nganjhere,por emira eshte se me kalon shpejt

2.CKA VLERESON ME SE SHUMTI TEK VETJA?
Tek vetja me se shumti e vleresoj personalitetin,per te cilin marre shum komplimente nga te tjeret.Miqte e mi,dhe familja ime,gjithmone me kane vlerusuar si nje shpirte-mire.

3.ME QFARE PROJEKTESH TE GJEN VITI 2009?

Projektet qe i kam punuar deri me tani dihen.por per momentin jam duke punuar ne nje kolazh qe do te jepen ne disa koncerte te planifikuara, dhe ne duetin me dj blunt e real1.Gjithashtu kam filluar te pergatitem edhe per emisionet e vitit te ri te ciliat do te xhirohen ne fund te nentorit dhe gjat muajit dhjetor.

4.MEQENESE PUBLIKU PREJ KOHESH NUK TE KA PARE NE EKRAN VAZHDON TE JESH SERISH BIONDE,APO E KE NDRYSHUAR NGJYREN EFLOKEVE?

Ngjyren e flokeve e kam njesoj siq ekam pasur ne klipin LE TE VDES NE BUZET E TUA , dhe per momentin nuk ekam ne plan te ndryshoj as ngjyren e as balluket.

5.KUJT I PELQEN ME SE SHUMTI KSHTU?

Mua me ka pelqyer me se shumti,pastaj edhe rrethit tim.Nuk me pelqen si dukem me floke me te erreta,dhe mendoj se asnjhere sdo te isha bere zeshkane.

6.PO THUAJ NE TE GJITHA KLIPET VESHJA JUAJ ESHTE
EKSTRAVAGANTE. MENDON SE ZHVESHJA ESHTE ME TERHEQESE PER PUBLIKUN?

Qe na fillimi i karrieres,une jam paraqitur me mini-funde dhe kam dashur te dukem sa me rinore ashtu siq eshte edhe mosha ime.Nuk kam dashur te filloj me fustane te gjata e pastaj te dal me farmerka ne skene.Une kam stiline njejte qe nga fillimi i karrieres sime.Une mundohem te vishem ne hap me trendet boterore te cilat i percjelli shum.Me ka ndodhur qe pas nje viti ti shoh te njejtat rroba tek ndonje kolege,por kjo gje nuk me bezdis.

7.KUSH KUJDESET PER DUKJEN TENDE?

Kryesisht kujdesem vete.Nuk kam ndonje stilist personal,por rrobaqepesja ime me ndimon shum qe ti realizoje ato modelet te cilat un i mendoj.Une gjithmone dua te jem ne hap me trendet boterore,dhe me pelqen te luaj me look-un.

8.CILIN PJES TE TRUPIT SDO TE DOJE TA PREKTE *PLAKJA*?

Ne fytyre,sepse mendoj se aty shihet me se shumti.por ja qe tani ka preparate te shumta per keto gjera,dhe medicina ka perparuar shume, prandaj nuk brengosem aq shume.

9.NA TREGONI NDONJE PIKE TE DOBET DHE NJE SEKRET TE PAMJES TENDE?

Kohe me pare si adoleshente kam pasur disa pika te dobeta rreth pamjes sime.Por tani jam 100perqind e kenaqur me pamjen time,dhe nuk me shqeteson asgje rreth pamjes sime.Ndersa sekrete kam edhe une si qdo vajze,dhe nje do ta zbuloj.Behet fjale per floket,te cilat i dua shume,dhe i kushtoje rendesi te veqante.

10.ESHTE E QARTE SE KENI NJE PUBLIK TE GJERE I CILI JU VLERESON SHUM. A REFLEKTOHET KY VLERESIM I PUBLIKUT SHQIPTAR EDHE NE MEDIAT TE KOSOVES NE PERGJITHESI?

Se pari ju falenderoj per fjalet e mira.Une mendoj se nuk mund te reflektohet qdo vlersim i publikut,se ka shum gazetare te cilet duan te kritikojne dhe te thurin te pa vertetat per neve.Por ka kohe qe nuk po merrem me me keto gjera,dhe as nuk dua ti demantoj

11..A DO TE KEMI RAST TJU SHOHIM TE ANGAZHUAR KETYRE DITEVE?

Edhe pak besoj se do te shafqem ne skene,por nese do te paraqitem,besoj se do te jete fjala per ndonje videoklip te ri

12.GJATE ORGANIZIME APO KONCERTEVE TE SHUMTA,SI JU PRET PUBLIKU SHQIPTAR?

Publiku gjithmone me mirepret sepse fatmiresisht kam hite te cilat ata i duan dhe i njohin.Gjithashtu shpesh neper organizime,une per nder te tyre kendoj edhe ndonje kenge popullore,te cilat ata gjithmone i kerkojne.

13.PO ATO ELEMENTET E PAKENDSHME QE TE SHOQEROJNE BOTET E ARTIT,INTRIGAT,THASHETHEMET, A JE ZONJE QE TI PERBALLOSH?

Ne fillim te karrieres nervozohesha shume dhe nuk arrija te kuptoja se si njerezit mund te shpikin gjerat aq kollaj.Me kalimin ekohes,fillova te kuptoj se secili profesion ka 2 anet e medaljes,dhe se asgje ne jete seshte shum e lehte.Tani nuk merrem shume me to,dhe siq e ceka me lart nuk lodhem as ti demantoj.

14.JENI NJE FAMILJE E MBUSHUR ME MUZIKANTE. BENI NDONJHERE GARA BRENDA FAMILJES,THJESHT PER QEJF SE KUSH KENDON ME MIRE?

Jo sepse tju them te drejten me shume merremi me ide te reja per projekte te reja qe na presin,dhe si te paraqitemi sa mire para publikut.

Intervistë me Adelina Ismajlin - Këngëtaret i kërkojnë regjisorit klipe si të miat

“Mos më kopjo mua”, thotë ajo. Personazhi i rradhës këtë herë paraqitet në një mënyre krejtësisht tjetër edhe pse gjatë karierës së gjatë ka eksperimentuar me lukun e saj duke sjell tek publiku vetëm të bukurën. Me një këngë dhe klip ultra modern, ku ajo aktron 8 personazhe, rikthehet përsëri për fansat e saj. Një kohë të gjatë këngëtarja është e mbyllur totalisht per mediat e shkruara. Këtë rradhë Adelina Ismaili vjen ekskluzivisht dhe pas shumë kohësh në një intervistë për “Panorama plus”. Kush ua shpërndau klipin brenda 24 orëve të gjitha mediumeve televizive? Kujt ia besoi ekskluzivitetin e klipit? Pse Adelina kohës fundit është shumë e lidhur me fansa? Pse regjisori i klipit nuk zbulon emrat e personazheve të cilët mundohen të njollosin imazhin e Adelinës derisa kanë bashkpunuar më herët me të njejtin regjisor?, për këto dhe shumë gjëra të tjera lexoni në vazhdim.



Ka pak ditë që ke publikuar një këngë të re të cilës i ke realizuar edhe klipin. Na trego kush është përkujdesur për këngën dhe si shkoi realizimi i klipit në përgjithësi?

Isha në makinë, po dëgjoja një cd dhe dëgjova një potpuri të mrekullueshme kënduar nga perla e muzikës shqipe, Fatmira Breçani.Si admiruese e flaktë e muzikës sonë të pastër shqipe, Fatmira Breçani mbetet njëra ndër legjendat e gjalla të muzikës shqipe për mua, por edhe potpuria më mrekulloi dhe e dija që s`do të shpëtoja pa e kënduar. Vendosa këtë potpuri të vjetër të muzikës autoktone shqipe ta rikrijoj në zhanrin “Tribal”, një zhanër ky shumë modern në trendet e fundit të muzikës botërore. Realizimi i këngës u bë në Zvicër. U ndava shumë e kënaqur. Realizimi i klipit zgjati tri ditë dhe dy netë, me 4 orë pushim për të fjetur. Nuk mund të them që ishte e lehtë, megjithatë duhej të udhëhiqja ekip prej 137 njerëzish, të koncentrohesha në vallëzim, këndim, aktrim, të gjitha. Por vullneti për një vepër madhore, modernizimi i këngës së pastër shqipe, ishte më i madh sesa çdo sfidë. Regjisori, i cili kryekëput realizoi idenë time, në fund më tha: "Nuk e kuptoj pse shumica e njerëzve që kam punuar me ta, të kanë prezantuar tek unë si një njeri problematik. Ti vetëm po e di çka don". Nuk fola asgjë, por në kokë më erdhi një poezi e të madhit Ibrahim Rugova: "Nji dhimbje e fortë asht tue m`plague, dhe shpesh më le si të vrame. Kur e shoh se si ne tue jetue, njëri tjetrit kokën po ia hamë". Në përgjithësi, realizimi eci mirë sepse asnjëherë nuk ngul këmbë në gjëra që tjerët i shohin më mirë se unë, por as nuk lejoj kompromis me kualitetin të cilin mund ta njoh më mirë unë sesa dikush tjetër.



Tash e sa vite dihet që për veshjet dhe grimin përkujdesesh vet, disa herë të ka ndihmuar edhe Ema, po këtë rradhë kush ka pasur atë të drejtë tek Adelina?

Unë kisha skicuar të gjitha. Veshjen, flokët, grimin e deri në detajet më të vogla. Inspirimi im në lëmin e bukurisë femërore mbetet Fadil Berisha dhe çdo foto e tij që e shikoj më bie pa fund ide. Disa veshje janë ide të z. Berisha, dhe ndiehem me fat që njoh atë njeri. Unë bëra vizatimet, grimeri i vendosi në fytyrën time.



Klipi që në shikim të parë duket fanstastik, komplimente, shihet një Adelinë e transformuar në disa role, sa e kishe të vështirë?

Oh falënderimet më të sinqerta për komplimentin. Unë kam treguar moti që aktrimin më ka mësuar i madhi Sevdai Radogoshi, dhe nuk e kisha vështirë të aktroja, kam patur një ndër mësuesit më të fortë. Në këtë klip jam inspiruar nga skeqet e tij fantastike ku ai i pari ka luajtur pa problem “femrën, mashkullin problematik, e pafund karaktere që unë ”ia vjodha” Sevdaiut dhe i futa në klip (qesh). Dhe jam mësuar si të koncentrohem që të futem në rol, të mos përziej karakteret, e shumë fshehtësi tjera professionale (qesh).



Për ata që nuk e kuptojnë dmth e këngës dhe klipit, bën një sqarim në pika të shkurta?

Ka disa porosi. Duke ditur që jemi ndër popujt e rrallë në botë që respektojmë religjionin e çdokujt, dhe në mesin e popullit tonë ekzistojnë edhe katolikë edhe myslimanë edhe jahudi, orthodokse, etj, trajtova pikërisht respektimin e religjonit të shqiptarëve, myslimanë ndaj atyre katolik, katolik ndaj atyre mysliman, hebrenj ndaj atyre pellazgë të lashtë, ku secila fe respekton tjetrën tamam si me shekuj ka ndodhur tek ne shqiptarët dhe të gjithë na e lakmojnë këtë veti kombëtare. Porosia ime është e qartë: “Feja e shqiptarit është shqiptaria”. Dashurinë për njëri tjetrin pa marrur parasysh fenë, dukjen, politikën, statusin dhe të gjitha vlerat që shqiptarët i kemi si komb historikisht. Pastaj tendenca jonë që me çdo kusht të intergrohemi në kultura tjera, nganjëherë rezulton qesharake, siç është mashkulli të cilin e aktroj, një shqiptar tipik i cili « maltreton » të gjithë me rend duke kërkuar muzikën e vet në një diskotekë ku të gjithë duan të jenë më perendimor sesa anglezët e francezët e amerikanet ,etj (qesh).Në përgjithësi, mesazhi është: “Arti, muzika nuk njohin kufinjë,dhe në një diskotekë nën tingujt e një kënge të pelqyer, në gëzim shqiptarët bashkohen të gjithë. Qoftë mbretëreshë, qoftë kamarier, qofte katolikja me myslimanen, qoftë një mashkull problematik me një DJ hebrej, qoftë vallëtare, kushdo qoftë kënga e bashkon. Këtë e kam parë me sytë e mi në çdo koncert ku këndoj. Kombi i pasqyruar përmes artit është universal. Nuk njeh kufinjë të ndarjes, por të bashkimit.



Këngëtarët asnjëherë nuk tregojnë detajet e rëndësishme gjatë realizimit të klipeve, do na zbulosh diçka ekskluzive për neve?

Nuk di pse fshehin këngëtaret rëndësinë e montimit. Në 90% të klipeve këngëtarja bën një lëvizje të vogël, e cila kur montohet duket si vallëzim perfekt .Ok, unë këtë nuk e lejova, sepse do dukem qesharake kur në koncerte të mia do të kërkohej ai vallëzim nga unë, e unë s`do të isha në gjendje ta bëja ,por ka një fshehtësi në klip. Ka skena ku shihen nga 2-3, nganjëherë të gjitha “Adelinat” në një skenë të vetme. Unë kisha 7 dublere që aktronin rolet e mia para një kamere të vetme, madje nga njëra u tmerrova se si i rrinin pantallonat e shkurtëra, tamam si dimi (qesh). Por kjo është forca e filmimeve. Ka shumë pjesë që nuk janë futur në klip, që unë i konsideroja shumë të bukura, por regjisori më tha: ”Adelinë, kot po torturon montazherin. Ne kemi material edhe për 5 klipe, po të ishte kënga 180 minuta,vërtetë do shfaqej çdo gjë që ti dëshiron”. Qesha shumë.



Projekti shihet që është i shtrejtë, do na tregosh sa kushtoi në përgjithësi dhe kush ka financuar këtë klip?Kush ishte ndihmë morale për ty?
Nuk parapëlqej të flas për kostot e klipeve, më duket banale të lavdërohem me çmime të mëdha. Asnjëherë në jetë nuk kam pasur klip me buxhet të ulte. Klipi është finansuar nga unë, gjë që shihet në fillim të klipit ku reklamohet “Iliada entertaiment”, produksion ku unë jam bashkëpronare.



Ishte e vështirë mbledhja e gjithë atyre njerëzve rreth e rrotull teje?

Ishte puna e organizatorit të xhirimit. Nuk e di sa të ketë qenë e vështirë për të. Besoj që po (qesh).



Përveç këtij klipi, ke ndërmend në realizimin e këngëve të tjera?

Kjo është kënga ime e dytë këtë vit që është shndëruar në hit, besoj që pas këngës “Urdhër i ri” dhe “Tribalb” dy këngë të cilat mi realizoi mjeshtërisht K-Master, para vitit 2010 nuk besoj të arrij të bëj këngë edhe sikur të klonohem ne 10 Adelina të tjera. Edhe pse ndërroj unë mendje në sekondin e fundit (qesh).Viti i ardhshëm besoj të jetë po kaq i frytshëm, me fatin e shëndetin.



Më herët televizionet gjithmonë projektet e Adelina Ismailit kanë “vrapuar” ti marin si ekskluzive, derisa këtë rradhë pash që klipin ua kishe lënë ekskluzivitet fansave, ke më shumë besim tek fansat?
Absolutisht njihet tash e një kohë të gjatë lidhja ime me fansat. Nganjëherë kam përshtypjen që e teproj me sentiment në botën e egër të shou-biznesit ku kërkohet vrazhdësi, por jam në një stadium jetësor ku saktësisht e di kush sa vlen për mua. Fansat e mi kanë qenë me mua në të mirë e në të keqe. Kush e meriton më shumë? Askush. Adelina si këngëtare ekziston për fansat, posaçërisht për fansin tim të cilit ia besova klipin, të cilin unë dhe familja ime e përjetojmë si anëtar i yni.



Thuhet që klipi tashmë ka pushtuar mediat televisive, përveç fansave kush tjetër e ka pasur ekskluzivitetin?

Dyshoj që televizionet ti japin hapësirë një klipi të Adelina Ismailit (qesh). Nëse është ashtu, i falendëroj nga zemra. Megjithatë artisti s`mund të ekzistojë pa mediume, dhe as mediumet pa artistët. ”Luftërat” medium-artist rrisin interesimin për të dyja palët, deri në momentin kur kalohet kufiri i kulturës, edukatës dhe mirësjelljes. Ekskluzivitetin e kanë pasur të gjithë. Në të njejtën ditë klipi është shpërndarë në të gjitha mediumet elektronike, gjë që nuk ishte aspak e lehtë. Brenda 24 oreve klipi u dërgua në të gjitha televizionet e Kosovës, Shqipërisë, Maqedonisë, dhe në internet. Si gjithmonë, e shenjta ime, mami ishte ajo që organizoi “ekskluzivitetin e përgjithshëm” në tëra anët.



Ke menduar për ndonjë promovim ashtu siç din vetëm Adelina?

E si din Adelina? (qesh). Asnjëherë nuk i kam bërë ndonjë promovim pompoz asnjë klipi tim. E festova me rrethin tim të ngushtë.



Ndërkohë edhe për intervista je pak e rezervuar, këtë rradhë përsëri ekskluzivitetin e ke ruajtur për fansat. Si ndihesh kur intervistohesh nga fansi yt?

Nuk jam e rezervuar, por totalisht e mbyllur për çdo media të shkruar që ka marrur guximin njëherë në jetë të shkruajnë gjëra që më kanë ofenduar pa bazë. E di që asnjë nuk varet nga unë, por une aq më pak. Për fansat gjithmonë jam aty. Në këtë moment nuk po e përjetoj që intervistohem nga fansi, por nga një gazetar profesionist që më nxorri shpirtin me pyetje aspak të thjeshta (qesh), pak shaka.



“Do not copy me”, mbishkrim i bukur që më pëlqeu jashtëmase, kujt i është dedikuar?

Ishte ide e regjisorit, dhe gati u përplasëm sepse nuk pranoja. Ai ka punuar me shumë këngëtare, njeh karrierën time mirë, dhe gjatë tërë kohës kur bëja grimin apo floket, më ngacmonte duke më treguar për këngëtare që kur shkojnë të realizojnë klip, dërgojnë regjistrime të koncerteve të mia. Në fund më bindi duke më thënë që ky nuk ishte mesazh vetëm për këngëtaret tona, por edhe për mjaft këngëtare sllave. Më gjeti pikën e dobët dhe pranova si gjysëm në vaj (qesh). Unë nuk kam pranuar asnjëherë në këngë të lavdëroj veten aman! Tash më pëlqen ajo ide, që në fillim po bëja luftë (qesh). Megjithatë parapëlqej të vlerësohem objektivisht nga tjerët.



A i frigoheni reagimit të “fanatikëve” për simbolet religjioze në klip?

Aq sa është frikësuar Skendërbeu nga dikush! Pra frigohem aspak. Mbi të gjitha Shqiptaria.



Lexuesi gjithmonë do të dijë diçka nga jeta private e Adelinës. Na trego pak?

Si çdo njeri i gjalle, kam kaluar sfida që më kishte caktuar fati, dhe si duket fati më shperbleu. Jeta ime private është e lidhur me profesionin si asnjëherë më parë, momentalisht. Jam e lumtur me punën që bëj, dhe në më dhashtë Perëndia fatin, do të kem një jetë normale si çdo femër tjetër. Jeta ime është më shumë në avion e hotele, sesa në shtëpi. Në rastet më të shëmtuara të jetës, ngushëllimin e kam gjetur në lutjen: ”Më dashte Perëndia fatin, ashtu siç e kam shpirtin”. Çdo mund e sakrificë po ndjej që po shperblehet. Kam zgjedhur një profesion jo të lehtë. Por këtë rrugë kam zgjedhur vet, Zoti më përkrah dhe nuk lejoj askush të ngrejë zërin kundër fatit e Zotit.



Ke pasur shumë suksese në koncerte anë e mbanë ku jetojnë shqiptarët, je pritur jashtëzakonisht mirë, flitet që këto koncerte do të përsëriten?Ku ndjehesh me se miri kur kendon?

Turneu në Europë u përsërit, do të përsëritet prap. Turneu në Shtetet e Bashkuara do të përsëritet vitin e ardhshem, në qofsha shëndosh e mirë. Kosovën dhe Shqipërinë i kam lënë pak keq këtë vit dhe shfrytëzoj rastin të kërkoj falje të gjithë atyre që më ftuan, por e kisha të pamundur shkaku i obligimeve jashtë Kosovës. Pa dyshim, më së miri ndjehem në diskotekën më të madhe dhe më moderne shqiptare, në “Rinora4”. Ata njerëz janë pafundësisht profesional, gjithmonë në hap me trendet më të reja botërore, kanë qenë pranë meje në raste të mira dhe jo të mira, është një klientele e zgjedhur të rinjsh shqiptarë dhe të huaj, definitivisht “Rinora4” është vendtakimi më i suksesshëm i shqiptareve. Njerëz si këta na bëjnë të mburremi që jemi shqiptarë
Burimi; Panorama plus, intervistoj Blerand Rexhepi, postimi; Dani.